New Delhi: Ka ïingbishar ba hakhlieh duh jong ka ri India, ka Supreme Court, ka la hukum ïa ka sorkar Odisha ban khyllie bad tohkit biang ïa ki 315 tyli ki case kiba ki Pulit ki la pynkut noh ha kaba ïadei bad ka jingshah ban beiñ ki Khristan ha Odisha ha ka snem 2008.
Kumba 39 ngut ki Khristan ki la shah pynïap bad kumba 232 tylli ki ïingmane ki la shah thang bad shah pynjulor ha Nailar jong ka snem 2008. Ka ïingbishar ka la pynpaw ka jingsngewkhia kaba jur ba kumba jan mar shiteng na ki case kiba la jia, ki Pulit, ki la shu pynkut noh kumto khlem da tohkit bniah da kaba aidaw ba kim lap ïa ki briew kiba donkti.
Ki kynhun Khristan bapher bapher ha ri India, ki la pdiang sngewbha ïa kane ka rai jong ka Supreme Court bad kyrmen ruh ba ki Khristan kiba la shah ban beiñ ha katei ka jylla, kin ïoh ïa ka jingbishar kaba hok.
