Ka Urban Mission hynriew (6) snem hadien ba la ioh ban ai ia ka jingshakri ban iarap kyrpang ia kiba la ngat ha ki jingkyrni jong ki jingdih ba pynbuaid, mynta ka snem ha ka 28 May, 2018, la ioh ban plie ia ka New Life De-Addiction Centre ha Mawlai Mawtawar kaba ka jingthmu jong ka ka long ban ai jingsumar bad jinghikai kaba kyrpang ia ki briew kiba la ngat ha ka jingkyrni jong ka jingdih buaid khnang ba kin lait bad ba kin sdang ia ka jingim kaba thymmai.
Ha katei ka sngi la ia don ryngkat u Minister Social Welfare,Govt. of Meghalaya, Shri. Kyrmen Sylla, uba la long u Kongsan, u Moderator ka K.J.P. Synod Sepngi, Rev.W.C.Khongwir bad u IPS, SP (SB-1) Shillong, Shri.M.Kharkrang, kiba la long ki Symbud Kongsan ha katei ka sngi, Rev.D.Rymbai, Moderator Elect K.J.P. Synod Sepngi, Rev.S.S.Majaw, Senior Executive Secretary, K.J.P. Synod Sepngi, Rev.K.B.Snaitang, Executive Secretary I/c MED, K.J.P. Synod Sepngi, lem bad kiwei kiwei ki nongkit kam ka Synod Sepngi, ki nongkitkam ka Jingiaseng Samla bad Jingiaseng Kynthei K.J.P.Synod Sepngi, ki nongmihkhmat ka Mawlai bad Shillong Ri-Lum Presbytery, ka Jingiaseng Samla bad Jingiaseng Kynthei Mawlai bad Shillong Ri-Lum Presbytery, ka Balang Presbyterian Mawlai Mawtawar, ka Jingiaseng Samla bad Jingiaseng Kynthei Balang Presbyterian Mawlai Mawtawar, Rangbah Shnong Shri. I.R.Kharshyndon bad ki nongkit kam shnong ka Mawtawar, ki dkhot ka Counselling Support Group, ki staff ka K.J.P.Synod Sepngi, I Dr.(Mrs).B.War lem bad ka iing jong I kiba long ki trai ka iing kaba ka Urban Mission ka pyndonkam na ka bynta ka Centre lem bad kiwei kiwei.
Ia ka Inaugural Service la pyniaid da Rev.L.Nongsiej, Chairman MED, bad la pule duwai da I Mrs.M.Dohtdong , Chairperson ka Jingiaseng Kynthei Mawlai Presbytery. Ha katei ka sngi I Rev.K.B.Snaitang, u la kren pdiang bad ai bouquet ia u Kongsan bad ki Symbud Kongsan bad u Rev.N.M.Iangrai, Director Urban Mission, u la pynsngew ia ka history lyngkot jong ka jingtrei ka Urban Mission naduh ba la sdang ia ka ha u snem 2012. La ioh ruh ki jingkren na u Kongsan bad ki Symbud Kongsan bad la plie ia ka centre da kaba khap ia u ribbon da Shri.Kyrmen Shylla bad ka jingduwai da Rev.W.C.Khongwir. U Rev.B.Syiem, Chairman Urban Mission Committee, u la ai ia ka jingkren ai khublei bad la pynwai da ka jingduwai u Rev.S.S.Majaw, Senior Executive Secretary.
Ka Urban Mission ka pynpaw ka jingsngewburom bad jingsngewnguh ia ka Balang Presbyterian Mawlai Mawtawar ia ka mynsiem basbun ban pdiang ia ki jingkyrpad jong ka Synod ban iarap lem ia ki jingdonkam ha katei ka sngi lem bad ia u MLA bad MDC ka Mawlai Constituency, Bah P.T.Sawkmie , ki client kiba la iarap pynkhuid ia ka centre bad ka jaka ba pynlong ia ka service, ki trai iing kiba la ia trei lang na ka bynta ki jingdonkam ka centre, u Mr.S.S.Marbaniang lem bad ki staff ka Urban Mission kiba la aiti met bad mynsiem ban pynbit pynbiang ki jingdonkam ha kiba bun ki liang, Mr.A.Galong iba la iarap lem ha kaba iadei bad ka Press bad kiwei pat ki staff ka Synod kiba la iarap ha ki bynta kiba pher bapher.
